إلا يادمعة الرجال ، لا طحتي على رجال
فلا يغرك ، من أصناف الرجال إلا .. ولد عمي
مطيحك من عيوني ، كنها طيحة سما .. وأجبال
ولكن لو مسّحها كمي .. فـ حقك على كمي !
تعالي يا دموعي جسدي لي .. وحشة الإطلال
وماهي فارقه وياي ، لا جبتي معك .. همي
رحل منهو أعرفه زين ، وأعرف ماهو بـ رحال !
خذاه الموت عن عيني وعن إذني وعن فمي
لذا .. ما أقدر اشوفه .. واسمعه .. واجادله ، لا قال
ولذا ترويني الايام سم ، وما أرتوت.. سمي !
سقى الله ، وقت كنا عيال واللي فيه ، لعب عيال
نهار الضحك ، والاحزان .. لا يمه .. ولا يمي
زمن يوم إني أنادي ( وووولد عمي ) .. وصوتي عال
زمن يافزته فزة ( هلا .. يا لحمي .. ودمي )
السبت أغسطس 11, 2012 10:43 pm من طرف 
