قوة
بنات انا مابغيت اتكلم الا بعد ما اتاكد من المفعول واشوف هالشامبو شيسوي بالضبط
جربت شامبوات الدنيا كلهم حلوين وريحتهم حلوة بس ماسووا نفس المفعول
شامبو ايفا بالصبار جربت للحين منه 4 علب
اينن اينن اينن اينن اينن
لان ولا مرة بحياتي اقعد يومين ما اغسل شعري ومايدهن !!
انا طبيعة شعري زفت استغفر الله
ناعم جني فلبينية وفوق هذا دهني دهني حيل يعني اغسله من هني لو امشطه حبتين زيادة ولا احد يلعب بشعري على طول يدهن نفس اليوم ( انا وايد اخلي اليهال يلعبون بشعري لوووووول )
الحين من استخدمت ايفا خلصت 4 علب والخامسة بالطريج
واااايد خفف الدهون براسي وايد يعني شعري صار حيوي اكثر من قبل وصحي يعني لمعته خفت شوي اول جنه مدهن على طول الحين الحمدلله وايد احسن
اول شي كنت لما احط زيت بشعري اغسله بايفا بعدين استحليت الفكرة صار خلاص هذا شامبووي ماغيرته
انا اشتريه مرات من الحواي ومرات من الجمعية سعره مايتعدى الدينارين ان كثر ماذكر والله جم بالضبط لان اخذ جم واحد واخشهم احتياط والحين بشتري دفعة يديدة لان اللي عندي بتخلص
وايد وايد حلو
واختيار موفق حيل للي شعرها دهني مثلي
تجربة وحبيت اذكرها لكم لان صج استفدت
السبت أغسطس 11, 2012 10:43 pm من طرف 
